كيف تيقظ أصدقائك ؟؟

**السيد س** · 08-27-2008, 10:09 PM

السلام عليكم ورحمة الله وبركاته

عزيزي الصاحي اذا كنت تعاني من أرق لأي سبب

و حاقد على واحد نايم او اذا طق فيوز النذاله فجأه عندك أو عرق

الرذالة بيوجعك وقدامك واحد نايم كأي بطيخة تحترم نفسها

ماعليك الا ان تتبع الخطوات التاليه

1) اذا كان في عز نومه وانت مانمتش أو مش جايلك نوم ادخل الغرفه وشغل النوووور

واطلع بمنتهي البرود كأنك لم تفعل شيء.

إذا كان نومه خفيف هايصحي وقولك ( إطفي النور يا حـيوان ) طبعا إحنا
إتفقنا إنك بارد لذلك

نفضله خالص و تذكر القانون الأول لنيوتن في التنفيض

" لكل فعل له تنفيضة مساوية له في المقدار و مضادة له في الإتجاة " .

أما لو كان نومه تقيل يبقي تستعمل الطريقة رقم 2

2 ) إكتشف إن في بيتكم سرير وعايز تتأكد إن كل حاجه تمام و إن السرير
رجليه مظبوطة طبعا دا السرير إللي أخينا

نايم عليه ويمكنك ساعتها القيام بالكثير من التخبيط و الدق وتحريك
السرير ولكن إنتبه فقد يصحو من النوم فيجدك تحت

السرير او رأسك في متناول يده فلا أحد يعلم ساعتها ماذا يمكن أن يحدث
لو كان من هواة النوم وبجوارهم مفتاح

إنجليزي .. لذلك أنصحك أن تهز السرير هزات عنيفة حتي يستيقظ وقبل أن
يفيق تماما أجري بأقصي سرعة

3) اذا كنت مقهــــــــور من واااحد ناايم العصر او الظهر أدخل الغرفه
وغطيه كويس و إقفل المكيف واطلع ولا تنسى أن

تغلق الأبواب والنوافذ.

واذا كانت في دفايه بالغرفه , ياعيني شغلها بقي علي أسخن حاجة وسيبه
واطلع بره كأنك لا تعرف عن الأمر شيء .

لسه ما قامش ؟؟ إوعي تيأس

4) لو كان لسه ماقامش !!! ماتعملش حاجة من اللي سبق ذكره إنما بهدوء
حط ايدك على الراديو وشغل محطه خرباااانه

و يا
حبذا لو كانت بتاعت أغاني هابطة من نوعية ( حبيبي فوق حبيبي تحت حبيبي
رايح حبيبي جاي ) وعلي

الصوووت على الآخر و امشي إنت كمل مشاهدة التليفزيون .

5) اذا كان لسه نايم وانت شبعااان نوووم بس عايز تتونس:

جيب ماء باااارد وقرب من النايم وقطر على جبهته قطره قطرة هايترعش
ويمسح جبهته فاكرها نمله ولا حاجة .

واقعد كده لحد ما يصحي أو يقوم يرزعك قلم محترم علي وشك ويكمل نوم

6 ) خذ منديل ولفها لحد ما يبقي على شكل العود... الغرض ان يكون نهاية
طرفه حاد ..

وبس يا معلم ..

ممكن تحطها في ودنه ( الحركة دي مستفزة جدا ومجربة )

ممكن تحطها في فمه

ممكن تحطها في أنفه بس مش لجوة أوي يعني

لو صحي يبقي إحتمال إنه يفرجك علي عنبر الكسور في أي مستشفي قريب من
بيتكم

واذا مانجحتش كافه الطرق اللي فوق... تأكد انه مش آدمي . . خليه نايم
واطلع بدل ما يجيلك شلل نصفي

**mystery_man** · 12-05-2008, 10:51 AM

هههههههههههههههههههههههههههههههههههههههههههههههههه ه
والله إنت تحفة يا أمجد

تم التثبيت وختم الموضوع بختم مميز

**نمّور الصغير** · 12-05-2008, 12:33 PM

ههههههههههههههههههه
شكرا أخي العزيز أمجد على الموضوع المضحك وتم التقييم

**نيرو** · 12-05-2008, 06:48 PM

هههههههههههههههههههههههههههههه
ليه الاذيه دي بس
موضوع خطير بجد

**مدرب من مصر** · 12-09-2008, 02:56 AM

واذا مانجحتش كافه الطرق اللي فوق... تأكد انه مش آدمي . . خليه نايم

واطلع بدل ما يجيلك شلل نصفي

انا ضدك بقى فلا ياس مع الحياة ولا حياة مع الياس هقولك طريقة مجربة جداجدا

اولا
خليه نايم و فجئة انقض عليه و هزه بشدة و اصرخ فيه باسمه انا كنت بعمل كده فى اخويا ( احمد احمد احمد احمد (تنبيه ) مع هزه بشدة كان البيت ولع و هو نايم على طفاية الحريق الوحيدة طبعا هينتبه و يقولك ايه مالك فى ايه ساعتها تجاوب بمنتهى البرود و الطيبة هو انت نايم فهيكون رده حاجة من الاتنين هيشتم و يضرب او هيقول اه لو ضربك يبقى دا المطلوب لانه هيقوم يجرى وراك اكيد و كده تبقى صحيته و استحمل بقى لو الاجابة الثانية انه يقول اه انا نايم فورا تفاجئه بالصاعقة الثانية (طب بتكلمنى ازاى و انت نايم ؟ ) و فى الحالة دى اكيد هيضربك و يجرى وراك و بالتالى توصل لنفس هدفك انه يصحى

[/quote]

**BaD CaT** · 12-09-2008, 01:15 PM

ايه ده يا أمجد

ده طرق قديمة

بش بتنفع

بس ده طريقة

صدقني

من بعدها

لن ترى النور أبدا

بكل بساطة إستعمل الكهرباء (قم بكهرية النائم عبر استعمال شريط الكهرباء)

وشوف كيف لح يفيق

**LoNeLy PrInCeSs** · 12-10-2008, 08:47 PM

هههههههههههه
موضوع تحفة
وبجد احنا شوية مؤذيين
وعلى فكرة انا من هواة التغليس على النايمين وباستخدم كذا طريقة من اللى قلتهم
واحيانا باشغل الاغانى عالموبايل واعليه عالاخر واعمل فيها النونو العبيط هههههههه
بجد الغلاسة دى متعة والله هههههههههه
وشكرا عالتوبيك الجميل اوى ده
والسلام عليكم ورحمة الله

**القلب الغامض** · 02-22-2009, 05:38 PM

موضوع تحفة
شكرا ليك محمد ويستحق التميز والتثبيت والتقييم
شكرا ليك
بس احنا كدا حنروح فيها
ههه

**Mr:HaiThaM GaLaL** · 03-10-2009, 03:45 PM

6 ) خذ منديل ولفها لحد ما يبقي على شكل العود... الغرض ان يكون نهاية
طرفه حاد ..

وبس يا معلم ..

ممكن تحطها في ودنه ( الحركة دي مستفزة جدا ومجربة )

ممكن تحطها في فمه

ممكن تحطها في أنفه بس مش لجوة أوي يعني

لو صحي يبقي إحتمال إنه يفرجك علي عنبر الكسور في أي مستشفي قريب من
بيتكم

مافيش اجمــد من دي يابوب
توبيك جامد لازم تعمل في ودنة في بوقة في عينة
في اي حتة هاتلاقءي قام اتنفض

او في كعب رجلة يبقي احسن نيهااهاهاهاهاهاهاا

**بسمة أمل** · 03-17-2009, 07:21 PM

بجد عبقرية اجرامية قوية
ربنا يكون في عون اللي نايمين معاك

أفضل مشرف لهذا الشهر	أفضل عضو لهذا الشهر	أفضل موضوع لهذا الشهر
Caty Master	a real problem	۩ √مكتبــة برامج كـــــــــــــــــــــــــــاملة بكراكاتـها ادخـل وحمـل مباشـرة ۩ √

أدوات الموضوع
مشاهدة صفحة طباعة الموضوع أرسل هذا الموضوع إلى صديق
أنماط عرض الموضوع
العرض العادي الإنتقال إلى العرض المتطور الإنتقال إلى العرض الشجري

.::إعلانات نينجاوي::.

كيف تيقظ أصدقائك ؟؟

حدث بالفعل