مسابقة اعرف المثل من الصورة

[MooNy87]

السلام عليكم ورحمة الله




فكرة الموضوع بسيطة جداً





هنحط صورة بتعبر عن كلمات مثل معين





والشاطر اللى يعرف ايه هو المثل





يلاااااااااااا ارجعوا لأيام المسابقات وعيشوا حياتكم

[MooNy87]

الأمثال التي ذكرت حتي الأن


,,,,,,,



- عصفور فى اليد خير من عشرة على الشجر

- القرد فى عين أمه غزال

- باب النجار مخلع

- اللى خرج من داره اتقل مقداره

- نقول تور يقولوا احلبوه

- القط يحب خناقه

- ياكلونى لحم ويرمونى عظم

- إن غاب القط العب يا فار

- اللى ما يعرف الصقر يشويه

- اللى بيته من زجاج لا يرمى الناس بالطوب

- اللى اختشوا ماتوا

- يخلق من الشبه أربعين

- الطول طول نخلة والعقل عقل صخرة

- الحيطة لها ودان

- اللى يتلسع من الشوربة ينفخ فى الزبادى

- الظفر ما يطلع من اللحم

- اللى ايده فى الميه مش زى اللى ايده فى النار

- اللى ياكل على ضرسه ينفع نفسه

- إذا كان الكلام من فضة فالسكوت من ذهب

- تأتى الرياح بما لا تشتهى السفن

- من شابه أباه فما ظلم

- إذا نطق السفيه فلا تجبه فخير الإجابة هى السكوت

- لا تسلم الجرة فى كل مرة

- اضرب ما دام الحديد حامياً

- اطعم الفم تستحى العين

- حاميها حراميها

- يد وحدها لا تصفق

[LoNeLy PrInCeSs]

الله
فكرة تحفة بجد
يلا ابدأى ياقمر
ربنا يوفقك ان شاء الله

[اسطورة بو]

ماشىىىىىىىىى
يلا معاكى فكره حلوة

[الكروان الشارد]

انتي لسة هتستني
يلا ابدأي على طول وعلى بركة الله

[الروح المشتاقة]

نحن معك يا موني
يلا ابدأي بسرعة

[الكروان الشارد]

اهي خرجت قبل ما تجيب الصورة

شكلها هتتقتل ومش هتعيد

[LoNeLy PrInCeSs]

انا رأيي كدة بردو
يلا لما تدخل كلنا نهجم عليها

هههههههههه

[MooNy87]

ههههه انتوا دخلتوا امتى ؟؟؟

خلااااااااااااااص كنت بدور على الصور وادينى جيت



الصورة الأولى






الصورة الثانية

[الملكة نفرتيتى]

موضوع جميل يا مونى
ويسعدنى اجاوب على اول مثل
" عصفور فى اليد خير من عشرة على الشجرة"